இருவரும் விடை பெறுவோம்
பிரிவிற்காக , ஒருவரிடம் இருந்து ஒருவர்...!
காதுகளுக்குள் கேட்ட
உன் குரலின் இனிய ரகசியங்களை,
சிலிர்ப்பை, வானத்தில் எறிந்து விட்டேன்...!
உனது பாடல்களை,
கானல் வெளியில் மிதக்க விட்டிருக்கிறேன்....!
முதன்முதல் நீ தந்த முத்தத்தை,
ஒரு உணவாக சாப்பிட்டாகிவிட்டது!
எதுவுமில்லை உன் அடையாளங்கள்!!?
ஆனால் என்னை கொஞ்சி அளித்த கணங்கள்
நினைவெல்லாம் வண்ணத்துபூச்சியாய்
பறந்து திரிவதை
எப்படி கொல்வது...?
எனக்கு சொல்லித்தா.......!!
****************************************
உன்னோடு களித்த இனிய கிழமைகள்!
உன் நினைவில் நான் பைத்தியமானது!
நாம் பகிர்ந்து கொண்ட சந்தோசங்கள் !
அதிசயமாக எழுதிய கவிதைகள்!
ஆழமாக எழுதிய, எழுதாத கடிதங்கள்!
தொலைபேசியில் பேசி களித்த பொழுதுகள்!
முத்தங்களிலே மகிழ்ந்த கணங்கள்!
தூங்காமல், தூங்கிய இரவுகள்!
சேர்ந்து வாழ நினைத்த நேரங்கள்!
பிரிந்திருந்தபோது துடித்த நிமிடங்கள்!
அடுத்து என்று உன் வருகை,
என்று ஏங்கிய நாட்கள்!
எல்லாமே எல்லாமே, இன்று என்னுள்
எங்கோ தொலைந்த வினோதங்கள்...!!
